மநீம-வில் துணைத்தலைவராக இருந்த மகேந்திரன் திமுகவில் இணைந்தார்

மக்கள் நீதி மய்யம் கட்சியின் துணைத்தலைவராக இருந்தவர், மகேந்திரன். கட்சியின் முக்கிய முகமாக செயல்பட்ட இவர், 2019 நாடாளுமன்றத் தேர்தலில் கோவை தொகுதியில் போட்டியிட்டு தோல்வி அடைந்தார். இதன்பிறகு, சமீபத்தில் நடந்துமுடிந்த சட்டப்பேரவைத் தேர்தலில், கோவை மாவட்டம் சிங்காநல்லூர் தொகுதியில் போட்டியிட்டு, மீண்டும் தோல்வியை தழுவினார். இந்தத் தேர்தலில், மக்கள் நீதி மய்யம் கட்சி தமிழகத்தில் ஒரு தொகுதியில் கூட வெற்றி பெறாமல் படுதோல்வி அடைந்தது. இதன்பிறகு, மக்கள் நீதி மய்யம் கட்சியில் இருந்து விலகுவதாக மகேந்திரன் அறிவித்தார். இந்நிலையில், சென்னை அறிவாலயத்தில் திமுக தலைவரும், தமிழக முதல்வருமான ஸ்டாலின் முன்னிலையில், மகேந்திரன் தனது ஆதரவாளர்களுடன் திமுகவில் இணைந்தார்.