"டிஜிட்டல் தொழில் நுட்பம், சாமான்யருக்கும், சக்தியை அளித்துள்ளது" - பிரதமர் நரேந்திர மோடி பெருமிதம்

இந்திய சர்வதேச அறிவியல் திருவிழாவை, பிரதமர் நரேந்திர மோடி, காணொலி காட்சி வாயிலாக கலந்து துவங்கி வைத்து உரையாற்றினார். அப்போது பேசிய பிரதமர், கொரொனாவுக்கு எதிரான போரில் நமது விஞ்ஞானிகள் நம்மை சிறந்த இடத்தில் வைத்துள்ளதாக கூறினார். நாட்டில் உள்ள இளைஞர்களையும் வாய்ப்புகளையும் இணைக்கும் வகையில், கடந்த ஆறு ஆண்டுகளில் நாட்டில் அறிவியல் மற்றும் தொழில்நுட்பத்தின் பயன்பாடு பன்மடங்கு விரிவுபடுத்தப்பட்டுள்ளதாக குறிப்பிட்டார். டிஜிட்டல் தொழில்நுட்பம், நாட்டில் உள்ள சாதாரண இந்தியக் குடிமகனுக்கும் வலிமையை அளித்துள்ளதாக குறிப்பிட்ட பிரதமர் அரசினுடைய சேவைகள் மற்றும் உதவிகள் விரைவாக கிடைப்பதை உறுதி செய்துள்ளதாக தெரிவித்தார்.