"பொம்மைகள் உற்பத்தியில் கவனம் செலுத்துங்கள்" - புதிய தொழில் நிறுவனங்களுக்கு பிரதமர் வலியுறுத்தல்

பொம்மை தயாரிப்பு மற்றும் ஏற்றுமதியில் கவனம் செலுத்துமாறு புதிய தொழில்நிறுவனங்களுக்கு பிரதமர் நரேந்திர மோடி வேண்டுகோள் விடுத்துள்ளார். சிறுவர் பொம்மைகளுக்கான உலகளாவிய சந்தை குறித்து அத்துறையினருடன் பிரதமர் நரேந்திர மோடி கலந்துரையாடினார்.  இந்தியாவில் , தனித்துவமான பொம்மைகளை தயாரிக்கும் திறன் கொண்ட கைவினைக் கலைஞர்கள் இருப்பதாக குறிப்பிட்ட பிரதமர் கலைத்துவமான மற்றும் நவீன சிந்தனையுடன் இதனை பெரிய தொழிலாக மாற்ற இளைஞர்கள் முன்வர வேண்டும் என கேட்டுக் கொண்டார். சிறுவர்களின் மனவளத்தை வளர்த்தெடுப்பதில் பொம்மைகளின் பங்கு குறித்தும் விவாதிக்கப்பட்டது.  இந்திய கலாச்சார பின்னணியில் தயாரிக்கப்பட்ட பொம்மைகள் அங்கன் வாடி குழந்தைகளுக்கு பயிற்சியளிக்கும் கருவிகளாக பயன்படுத்தப்பட வேண்டும் எனவும் பிரதமர் வலியுறுத்தினார்.