"5 டிரில்லியன் டாலர் பொருளாதாரத்தை அடைய பட்ஜெட் உதவிடும்" - பிரதமர் மோடி பெருமிதம்

டெல்லியில் தனியார் தொலைக்காட்சி நிறுவனத்தின் நிகழ்ச்சி ஒன்றில் பிரதமர் மோடி பங்கேற்றார். அப்போது பேசிய அவர், 5 டிரில்லியன் டாலர் பொருளாதாரம் என்பது எளிதில் அடையக்கூடிய இலக்கு அல்ல என்றாலும் அடையக்கூடியது தான்  என்றார். மேலும் 5 டிரில்லியன் டாலர் பொருளாதாரத்தை அடைய சமீபத்தில் தாக்கல் செய்யப்பட்ட மத்திய பட்ஜெட் உதவும் என மேலும் தெரிவித்தார். இந்தியாவின் பொருளாதாரம் தற்போது 3 டிரில்லியன் டாலராக உள்ளதாக குறிப்பிட்ட அவர், இதை அடைய 70 ஆண்டுகள் ஆகி உள்ளதாக தெரிவித்தார். அதே சமயம் இதுகுறித்து கேள்வி எழுப்பாமல், 5 டிரில்லியன் டாலர் பொருளாதாரத்தை இலக்காக நிர்ணயித்தால் அது குறித்து கேள்வி கேட்கப்படுவதாக அவர் கூறினார். இந்த பொருளாதார இலக்கை அடைய, உற்பத்தி மற்றும் ஏற்றுமதி வளர்ச்சி மிக முக்கியம் என குறிப்பிட்ட அவர், அதை மேம்படுத்த தேவையான நடவடிக்கைகள் எடுக்கப்பட்டுள்ளதாக தெரிவித்தார்.