"அகில இந்திய தலைவராக ஜே.பி.நட்டா தேர்வு?"

ஜனவரி 20ஆம் தேதி நடைபெற உள்ள தேர்தலில் பாஜகவின் அகில இந்திய தலைவராக ஜே.பி.நட்டா தேர்வு செய்யப்பட உள்ளதாக தகவல் வெளியாகி உள்ளது. பாரதீய ஜனதா கட்சியின் அகில இந்திய தலைவராக இருந்த அமித்ஷா, மத்திய உள்துறை அமைச்சராக பொறுப்பேற்று கொண்டார். இதனையடுத்து அக்கட்சியின் அகில இந்திய செயல் தலைவராக முன்னாள் மத்திய அமைச்சர் ஜே.பி.நட்டா நியமிக்கப்பட்டார்.  இந்த நிலையில், ஜனவரி 20ஆம் தேதி பாஜக தலைவர் பதவிக்கான தேர்தல் நடைபெற உள்ளதாக அறிவிக்கப்பட்டுள்ளது. இந்த தேர்தலில் அவரை தவிர வேறு யாரும் போட்டியிடமாட்டார்கள் என கூறப்படும் நிலையில் அகில இந்திய பாஜக தலைவராக ஜே.பி.நட்டா தேர்வு செய்யப்படுவார் என தெரிகிறது.