கர்நாடகாவில் கருணாநிதி சிலை திறப்பு : கர்நாடகா மாநில தி.மு.க நிர்வாகிகள் பங்கேற்பு

பெங்களூரு ஸ்ரீராம்புரத்தில் உள்ள தி.மு.க அலுவலகத்தில் முன்னாள் முதலமைச்சர் கருணாநிதியின் சிலை திறக்கப்பட்டது. அக்கட்சியின் அமைப்பு செயலாளர் ஆர்.எஸ்.பாரதி, திறந்து வைத்தார். விழாவில், கர்நாடகா தி.மு.க நிர்வாகிகள் பலர் கலந்து கொண்டனர். நிகழ்ச்சியில் கலந்து கொண்டு பேசிய காங்கிரஸ் எம்.பி. ஹரிபிரசாத், சமூக நீதிக்காக போராடி தமிழகத்தை தேசிய அளவில் முன்னோடி மாநிலமாக மாற்றிய கருணாநிதிக்கு பாரத ரத்னா விருது வழங்க வேண்டும் எனக் கேட்டுக்கொண்டார்.