காஷ்மீரில் குடியரசு தலைவர் ஆட்சி மேலும் 6 மாதம் நீட்டிப்பு : மாநிலங்களவையில் மசோதா தாக்கல் செய்தார் அமித்ஷா

காஷ்மீரில் குடியரசுத் தலைவர் ஆட்சியை நீட்டிக்கும் மசோதாவிற்கு திரிணாமுல் காங்கிரஸ் மற்றும் சமாஜ்வாதி கட்சிகள் ஆதரவு தெரிவித்துள்ளன. காஷ்மீரில் இந்த ஆண்டு இறுதியில் சட்டசபை தேர்தல் நடத்தப்பட உள்ளது. அதுவரை அங்கு மேலும் 6 மாதங்களுக்கு குடியரசுத் தலைவர் ஆட்சியை நீட்டிப்பதற்கான மசோதா மற்றும் காஷ்மீர் இடஒதுக்கீட்டு மசோதா ஆகிய 2 மசோதாக்கள் நாடாளுமன்றத்தில் தாக்கல் செய்யப்பட்டன. முன்னதாக மசோதாக்களை  மத்திய உள்துறை அமைச்சர் அமித்ஷா, மாநிலங்களவையில் நேற்று தாக்கல் செய்தார். இந்த இரு மசோதாக்களுக்கு திரிணாமுல் காங்கிரஸ் மற்றும் சமாஜ்வாதி கட்சிகள் ஆதரவு தெரிவித்துள்ளன.