59 தொகுதிகளில் நாளை வாக்குப்பதிவு - இறுதி கட்ட ஏற்பாடுகள் தீவிரம்

நாடாளுமன்ற தேர்தல் நாடு முழுவதும் 7 கட்டங்களாக நடைபெற்று வருகிறது. இதுவரை 5 கட்ட தேர்தல் வாக்குப்பதிவு முடிந்த நிலையில், 59 தொகுதிகளில் நாளை 6வது கட்ட வாக்குப்பதிவு நடைபெற உள்ளது. உத்தரபிரதேசத்தில் 14 தொகுதிகள், அரியானாவில் 10 தொகுதிகள், பீகாரில் 8 தொகுதிகள், மேற்கு வங்கத்தில் 8 தொகுதிகள், மத்திய பிரதேசத்தில் 8 தொகுதிகள், டெல்லியில் 7 தொகுதிகள், ஜார்கண்டில் 4 தொகுதிகள் என மொத்தம் 59 தொகுதிகளில் நாளை வாக்குப்பதிவு நடைபெற உள்ளது. இதையொட்டி அங்கு வாக்குப்பதிவுக்கான இறுதி கட்ட ஏற்பாடுகளில் தேர்தல் ஆணைய அதிகாரிகள் தீவிமாக ஈடுபட்டுள்ளனர். கிரிக்கெட் வீரர் கவுதம் கம்பீர், டெல்லி முன்னாள் முதல்வர் ஷீலா தீட்சித் உள்ளிட்ட பிரபலங்கள், 6வது கட்ட தேர்தல் களத்தில் வேட்பாளர்களாக  உள்ளனர் என்பது குறிப்பிடத்தக்கது.