"காங்கிரஸ் கட்சியினருக்கே அவர்களின் கொள்கை தெரியாது" - பிரதமர் மோடி

முன் எப்போதும் இல்லாத வகையில் இந்த தேர்தலில் தான் காங்கிரஸ் குறைந்த இடங்களில் போட்டியிடுவதாக பிரதமர் மோடி கூறியுள்ளார். தங்களை மக்களுக்கான சேவகனாக நினைக்காமல் ஜனநாயகத்தின் அரசனாக நினைத்ததால் தான் காங்கிரஸ் கட்சி இந்த நிலைக்கு வந்துவிட்டதாக பிரதமர் மோடி தெரிவித்தார். பீகார் மாநிலம் வால்மீகி நகரில் நடைபெற்ற பிரசார பொதுக்கூட்டத்தில் பங்கேற்ற அவர், பாஜகவின் கொள்கை தெளிவாக உள்ளது. ஆனால் பொய் மற்றும் வாரிசு அரசியல் செய்யும் காங்கிரஸ் கட்சியின் கொள்கை குறித்து அக்கட்சியினருக்கே தெரியாது என்று தெரிவித்தார்.