காங்கிரஸ் தலைவர் ராகுல்காந்தி இன்று தமிழகம் வருகை...

மக்களவை தேர்தலுக்கான முதற்கட்ட வாக்குப்பதிவு நேற்று முடிவடைந்த நிலையில் தமிழகத்தில் வரும் 18ந்தேதி ஒரே கட்டமாக வாக்குப்பதிவு நடைபெறுகிறது. இந்நிலையில், திமுக, காங்கிரஸ் கூட்டணி வேட்பாளர்களை ஆதரித்து பிரசாரம் செய்வதற்காக காங்கிரஸ் தலைவர் ராகுல்காந்தி இன்று மீண்டும் தமிழகம் வருகிறார்.  கிருஷ்ணகிரியில் காலையில்  பிரசாரத்தை தொடங்கும் ராகுல்காந்தி, பின்னர் ஹெலிகாப்டர் மூலம் சேலம் செல்கிறார். அங்கு சீலநாயக்கன்பட்டி மைதானத்தில் நடைபெறும் பொதுக்கூட்டத்தில் ராகுல்காந்தி , திமுக தலைவர் ஸ்டாலின் கலந்து கொண்டு காங்கிரஸ், தி.மு.க. கூட்டணி வேட்பாளர்களை ஆதரித்து பிரசாரம் செய்கின்றனர். அதன்பிறகு, தேனி, திருப்பரங்குன்றம் ஆகிய  இடங்களிலும்  ராகுல் பிரசாரம் செய்கிறார். ராகுல்காந்தி வருகையையொட்டி 3 அடுக்கு போலீஸ் பாதுகாப்பு போடப்பட்டுள்ளது.