டெல்லியில் இன்று பா.ஜ.க. ஆட்சிமன்ற குழுக்கூட்டம்

நாடாளுமன்ற தேர்தலுக்கான முதல் வேட்பாளர் பட்டியலை காங்கிரஸ் கட்சி வெளியிட்டுள்ள நிலையில், டெல்லியில் பாஜக ஆட்சிமன்ற குழு கூட்டம் இன்று நடைபெற உள்ளது. இந்த கூட்டத்தில் பிரதமர் நரேந்திர மோடி, அக்கட்சியின் தேசியத் தலைவர் அமித்ஷா உள்ளிட்ட முக்கிய தலைவர்கள் பங்கேற்கின்றனர். நாடாளுமன்ற தேர்தல் தொடர்பான பணிகள் மற்றும் பாஜக ​வேட்பாளர் பட்டியல், பாஜகவின் தேர்தல் அறிக்கை தயாரிப்பு உள்ளிட்ட பல்வேறு விசயங்கள் இந்த கூட்டத்தில் விவாதிக்கப்பட உள்ளதாக கூறப்படுகிறது.