அதிமுக கூட்டணி கூட்டத்தில் விஜயகாந்த் பங்கேற்பாரா?

அதிமுக கூட்டணி சார்பில் சென்னை அருகே கிளாம்பாக்கத்தில் நடைபெறும் பிரமாண்ட பொதுக்கூட்டத்தில் தேமுதிக பொதுச்செயலாளர் விஜயகாந்த் பங்கேற்பாரா என்ற கேள்வி எழுந்துள்ளது. அதிமுக கூட்டணி பொதுக்கூட்டம் தொடர்பான விளம்பரங்களில் கூட்டணி கட்சி தலைவர்களின் புகைப்படங்கள் மற்றும் பெயர்கள் இடம்பெற்றுள்ளன. அதில் தேமுதிக பொதுச்செயலாளர் விஜயகாந்த் பெயர் இடம் பெறவில்லை. அதிமுக கூட்டணியில் தேமுதிக இடம் பெறுவது குறித்து இன்னும் இறுதி முடிவு எடுக்காத காரணத்தால் விஜயகாந்த் புகைப்படம் இடம்பெறவில்லை என கூறப்படுகிறது. பொதுக்கூட்டம் நடைபெறுவதற்குள் அதிமுக கூட்டணியில் தேமுதிக இடம்பெறுவது உறுதி செய்யப்பட்டால், பொதுக்கூட்டத்தில் விஜயகாந்த் பங்கேற்க வாய்ப்பு உள்ளதாக தகவல் வெளியாகியுள்ளது.