பாட்டாளி மக்கள் கட்சி எடுத்த நிலைப்பாடுகள், பெற்ற வாக்குக்கள்

* 1989-ம் ஆண்டு, ராமதாஸால் துவக்கப்பட்ட பாட்டாளி மக்கள் கட்சி, சமூக நீதி, சமத்துவம் ஆகியவற்றை அடிப்படை கொள்கைகளாக அறிவித்தது.

* துவங்கப்பட்ட அடுத்த சில மாதங்களிலேயே, 1989 நாடாளுமன்ற தேர்தலை பா.ம.க. எதிர்கொண்டது. அந்த தேர்தலில் வெற்றி பெறவில்லை என்றாலும், ஒரு தாக்கத்தை ஏற்படுத்தியது.

* அதன் பின்னர், 1991 சட்டப்பேரவை தேர்தலில் பா.ம.க. 5.9 சதவீத வாக்குகள் பெற்று, ஓரு இடத்தில் வெற்றி பெற்றது.

* 1996 சட்டப்பேரவை தேர்தலில், திவாரி காங்கிரஸ் கட்சியுடன் கூட்டணி அமைத்து, பா.ம.க. 4 இடங்களில் வெற்றி பெற்றது.

* 1998 நாடாளுமன்ற தேர்தலில், தேசிய ஜனநாயக கூட்டணியில் இணைந்து 6 சதவீத வாக்குகள் பெற்று, 4 இடங்களில் பா.ம.க. வெற்றி பெற்றது. வாஜ்பாய் அமைச்சரவையில் இடமும் பிடித்தது.

* 1999 நாடாளுமன்ற தேர்தலில் 8.2 சதவீத வாக்குகள் பெற்று 5 இடங்களை வென்று, வாஜ்பாய் அரசில் இரண்டு துறைகளை பெற்றது, பா.மக.

* 2001 சட்டப்பேரவை தேர்தலில் அதிமுகவுடன் கூட்டணி அமைத்து, 5.6 சதவீத வாக்குகளை பெற்று 20 இடங்களில் வெற்றி பெற்றது.

* 2004 நாடாளுமன்ற தேர்தலில், காங்கிரஸ் தலைமையிலான ஐக்கிய முற்போக்கு கூட்டணியில் சேர்ந்து, 6.7 சதவீத வாக்குகள் பெற்று 5 இடங்களில் வெற்றி பெற்றது. 

* 2004 ம் ஆண்டு மாநிலங்களவை தேர்தலில் தேர்வான அன்புமணி, மன்மோகன் சிங் அமைச்சரவையில், சுகாதார துறை அமைச்சராக 5 ஆண்டுகள் செயல்பட்டார்.

* 2006ல் நடைபெற்ற தமிழக சட்டமன்ற தேர்தலில் 5.7 சதவீத வாக்குகள் பெற்று 18 இடங்களில் வென்றது. 

* 2009 நாடாளுமன்ற தேர்தலில், அதிமுகவுடன் கூட்டணி அமைத்து, 6.4 சதவீத வாக்குகள் பெற்றும், ஒரு இடத்திலும் வெற்றி பெற முடியவில்லை.

* 2011 சட்டப்பேரவை தேர்தலில், மீண்டும் திமுகவுடன் கூட்டணி அமைத்து, 5.2 சதவீத வாக்குகள் பெற்று, 3 இடங்களில் வெற்றி பெற்றது.

* 2014 நாடாளுமன்ற தேர்தலில், மீண்டும் பா.ஜ,க அணிக்கு மாறிய பா.ம.க, 4.4 சதவீத வாக்குகள் பெற்று தர்மபுரியில் மட்டும் வெற்றி பெற்றது. அன்புமணி எம்.பி.யானார். 

* 2016 சட்டப்பேரவை தேர்தலில், தனித்து போட்டியிட்டு, 5.3 சதவீத  வாக்குகள் பெற்று, போட்டியிட்ட அனைத்து இடங்களிலும் தோல்வி அடைந்தது. கடந்த சட்டமன்ற தேர்தலில் தனித்த நின்ற பாமக தற்போது நாடாளுமன்ற தேர்தலில் கூட்டணி அமைக்க முடிவு செய்துள்ளது.