தமிழக காங்கிரஸ் தலைவரானார் கே.எஸ்.அழகிரி - காங்கிரஸ் கட்சி அறிவிப்பு

தமிழக காங்கிரஸ் கட்சியின் புதிய தலைவராக கே.எஸ். அழகிரி நியமிக்கப்பட்டு உள்ளார். இது தொடர்பாக காங்கிரஸ் பொதுச் செயலாளர் கே.சி.வேணுகோபால் வெளியிட்டுள்ள செய்திக்குறிப்பில், தமிழக காங்கிரஸ் கட்சியின் தலைவராக கே.எஸ்.அழகிரியும், செயல் தலைவர்களாக, ஹெச். வசந்தகுமார், கே.ஜெயக்குமார், எம்.கே. விஷ்ணுபிரசாத் மற்றும் மயூரா ஜெயக்குமார் நியமிக்கப்பட்டு உள்ளதாக தெரிவிக்கப்பட்டு உள்ளது. இதுவரை, தமிழக காங்கிரஸ் கட்சித் தலைவராக செயலாற்றிய திருநாவுக்கரசருக்கு, அந்த செய்திக்குறிப்பில் பாராட்டு தெரிவிக்கப்பட்டு உள்ளது.