தமிழக சட்டப்பேரவையின் இன்றைய நிகழ்வுகள்
சென்னையில் சாலையோரம் வசிக்கும் ஏழை - எளிய மக்களுக்கு பெரும்பாக்கத்தில் அடுக்கு மாடி குடியிருப்பு கட்டிக்கொடுக்கப்படும் என்று துணை முதலமைச்சர் ஓ.பன்னீர் செல்வம் அறிவித்துள்ளார்.
சென்னையில் சாலையோரம் வசிக்கும் ஏழை - எளிய மக்களுக்கு பெரும்பாக்கத்தில் அடுக்கு மாடி குடியிருப்பு கட்டிக்கொடுக்கப்படும் என்று
துணை முதலமைச்சர் ஓ. பன்னீர் செல்வம் அறிவித்துள்ளார். மின்துறை அமைச்சர் தங்கமணி, உயர் மின் அழுத்த கோபுரம் அமைக்கும் விவகாரத்தில், அரசியல் ஆதாயம் தேட, எதிர்க்கட்சிகள் முயலுவதாக குற்றஞ்சாட்டியுள்ளார்.
தமிழக சட்டப்பேரவையின் 5- வது நாள் கூட்டத்தில், பல்வேறு முக்கிய முடிவுகளும், அறிவிப்புகளும் இடம் பெற்றன.
" சாலையில் வசிப்போருக்கு அடுக்கு மாடி குடியிருப்பு"
சென்னையில் சாலையோரம் வசிக்கும் ஏழை - எளிய மக்களுக்கு பெரும்பாக்கத்தில் அடுக்கு மாடி குடியிருப்பு கட்டிக்கொடுக்கப்படும் என்று
துணை முதலமைச்சர் ஓ. பன்னீர் செல்வம் அறிவித்தார்.
"பட்டாசு விவகாரம் : சிறப்பு பேரவை கூட்டம் தேவை"
எதிர்க்கட்சி தலைவர் மு.க. ஸ்டாலின், பட்டாசு தொழிலாளர் பிரச்சினை தொடர்பாக, சிறப்பு கூட்டத்தை கூட்டி, தீர்மானம் நிறைவேற்றுமாறு கேட்டுக்கொண்டார்.
மின்துறை அமைச்சர் தங்கமணி விளக்கம்
சிங்காநல்லூர் திமுக உறுப்பினர் கார்த்திக், புதை வட மின்கம்பிகள் அமைக்கும் விவகாரம் குறித்து எழுப்பிய கேள்விக்கு, மின்துறை அமைச்சர் தங்கமணி விளக்கம் அளித்தார்.
உயர் மின் அழுத்த கோபுரம் அமைக்கும் விவகாரத்தில், அரசியல் ஆதாயம் தேட, எதிர்க்கட்சிகள் முயலுவதாக அப்போது, அமைச்சர் தங்கமணி குற்றஞ்சாட்டினார்.
"ஜன. 10 -ல் துவக்கி வைக்கிறார், முதல்வர்"
நாட்டு கோழிகள் வளர்ப்பு திட்டத்தை வருகிற 10 ம் தேதி முதலமைச்சர் எடப்பாடி பழனிச்சாமி துவக்கி வைப்பார் என்று கால்நடைத்துறை அமைச்சர்
உடுமலை ராதாகிருஷ்ணன் தெரிவித்தார்.
ரேஷன் கார்டு : அமைச்சர் காமராஜ் விளக்கம்
ஆண்டுக்கு ஒரு லட்சம் ரூபாய் வருமானம் இருந்தால், ரேஷன் கார்டு ரத்து என வெளியான செய்தியை, உணவு அமைச்சர் காமராஜ், திட்டவட்டமாக மறுத்தார்.
" ஆத்தூர் தனி மாவட்டம் : அரசு பரிசீலனை "
ஆத்தூர் தனி மாவட்டமாக உருவாக்குவதற்கான சாத்தியக்கூறு குறித்து
ஆய்வு செய்யு, உரிய முடிவு எடுக்கப்படும் என்று கேள்வி நேரத்தின்போது, வருவாய்த்துறை அமைச்சர் ஆர்.பி. உதயகுமார் தெரிவித்தார்.
முத்திரைத்தாள்: புதிய சட்டமுன் வடிவு தாக்கல்
இதனிடையே, முத்திரைத்தாள் தொடர்பான நடைமுறையை ஒழுங்கு படுத்த வகை செய்யும் புதிய சட்ட முன்வடிவை வணிக வரித்துறை அமைச்சர் கே.சி. வீரமணி, பேரவையில் தாக்கல் செய்தார்.
Next Story
