பாஜக - டி.ஆர். எஸ் ஆட்சிகளை வீழ்த்துவோம் - ராகுல்காந்தி சபதம்
மத்தியில் பாஜக ஆட்சியையும், தெலங்கானாவில் டி.ஆர். எஸ் அரசையும் வீழ்த்துவோம் என்று காங்கிரஸ் தலைவர் ராகுல்காந்தி சபதம் ஏற்றுள்ளார்.
தெலங்கானா மாநிலம் கோடங்கல் என்ற நகரில் நடைபெற்ற மாபெரும் தேர்தல் பிரசாரக்கூட்டத்தில் பேசிய அவர், பிரதமர் மோடி, நாட்டு மக்களிடையே, வேற்றுமைகளை உருவாக்கி வருகிறார் என்றார். இதேபோல, தெலங்கானாவில் சந்திரசேகர ராவ் செயல்படுவதாக கூறிய ராகுல்காந்தி, இவ்விரு தலைவர்களையும் தேர்தலில் தோற்கடிக்குமாறு மக்களுக்கு அழைப்பு விடுத்தார்.
தெலங்கானாவில் காங்கிரஸ் தலைமையில் ஆட்சி மலர்ந்தால், 3 மாதங்களில் ஒரு லட்சம் இளைஞர்களுக்கு வேலை வாய்ப்பு அளிக்கப்படும் - 2 லட்சம் ரூபாய் வரை விவசாய கடன் தள்ளுபடி - முதியோர் பென்ஷன் 3 ஆயிரம் ரூபாய் வழங்கப்படும் என்பன உள்ளிட்ட பல்வேறு வாக்குறுதிகளையும் ராகுல்காந்தி வெளியிட்டார்.
Next Story
