ஆக. 9-ம் தேதி மாநிலங்களவை துணை தலைவர் தேர்தல்

மாநிலங்களவை துணை தலைவராக இருந்த காங்கிரஸை சேர்ந்த பி.ஜே. குரியனின்  பதவிக்காலம் கடந்த மாதத்துடன் முடிவடைந்தது. இதையடுத்து, புதிய துணை தலைவருக்கான தேர்தல் வரும் 9-ஆம் தேதி காலை 11 மணிக்கு நடைபெறும் என குடியரசுத் துணைத் தலைவரும், மாநிலங்களவை தலைவருமான வெங்கையா நாயுடு அறிவித்துள்ளார்.  இதற்கான வேட்பு மனு  ஆகஸ்ட் 8-ஆம் தேதி பெறப்படும் என தெரிவிக்கப்பட்டுள்ளது. பாஜக கூட்டணி சார்பாக, ஜக்கிய ஜனதா தளம் கட்சியை சேர்ந்த 'ஹரிவன்ஸ்' வேட்பாளராக நிறுத்தப்படலாம் என தகவல் வெளியாகியுள்ளது. எதிர்கட்சிகள் சார்பில் போட்டியிடும் வேட்பாளர் பெயரும் விரைவில் அறிவிக்கப்படும் என எதிர்பார்க்கப்படுகிறது.