தொடர்ந்து பெய்யும் மழை - மே 17 வரை மஞ்சள் எச்சரிக்கை விடுப்பு

கேரளாவில் கனமழை கொட்டி வரும் நிலையில், மே 17-ஆம் தேதி வரை பல்வேறு மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது. கேரளாவில் பகல் நேரத்தில் கோடை வெயில் வாட்டி வதைக்கும் நிலையில், மாலை நேரத்தில் கோடை மழை பெய்து வருகிறது. கொல்லம் மாவட்டத்தில் நேற்று மாலை மழை வெளுத்து வாங்கியது. இதனால் நிலமேலி பகுதியிலுள்ள எம்.சி சாலையில் மழைநீர் பெருக்கெடுத்து ஓடியதால் வாகன ஓட்டுகள் கடும் அவதி அடைந்தனர். மேலும் அங்கிருந்த கடைகளுக்குள்ளும் வெள்ளநீர் புகுந்தது. இந்நிலையில் அடுத்த 5 நாட்களுக்கு கேரளாவில் மழைக்கு வாய்ப்புள்ளதாக வானிலை ஆய்வு மையம் அறிவித்துள்ளது. மேலும் இன்றுமுதல் வரும் 17-ஆம் தேதி வரை திருவனந்தபுரம், பத்தனம்திட்டா, இடுக்கி, கொல்லம் உள்ளிட்ட மாவட்டங்களில் மஞ்சள் எச்சரிக்கை விடுக்கப்பட்டுள்ளது.