நள்ளிரவில் நோட்டமிட்டு கழுத்தை குறி வைத்து கவ்வும் அரக்க ஓநாய்கள்.. அச்சத்தில் நடுங்கும் மக்கள்

பஹ்ரைச் மாவாட்டத்தில் பல்வேறு பகுதிகளில், அண்மைக் காலமாக ஓநாய்கள் பொதுமக்களை தாக்கி வருகின்றன. 45 நாட்களில் எட்டு குழந்தைகள் உள்பட ஒன்பது பேர் உயிரிழந்த நிலையில், இதுவரை ஐந்து ஆட்கொல்லி ஓநாய்கள் பிடிபட்டுள்ளன. இந்த நிலையில், மஹாசி கிராமத்தில் 28 வயதுள்ள இளம்பெண் மற்றும் 50 வயது பெண் ஆகிய இருவர், ஓநாய் கடித்ததில் படுகாயம் அடைந்து சிகிச்சை பெற்று வருகின்றனர். இரவு 10 மணிக்கு மேல் திடீரென வந்த ஓநாய், கழுத்தை கவ்வி இழுத்ததாக இருவரும் அதிர்ச்சியுடன் கூறியுள்ளனர். உத்தரப்பிரதேச அரசுக்கு பெரும் தலைவலியாக இந்த விவகாரம் வெடித்துள்ள நிலையில், எஞ்சியுள்ள ஓநாய்களை பிடிக்க வேண்டும் என பொதுமக்கள் கோரிக்கை விடுத்துள்ளனர்.