பாறைகளுக்கு வெடி வைத்த பயங்கரம்..விவசாயி தலையை நசுக்கிய கல் - தி.மலையில் அதிர்ச்சி சம்பவம்..

செப்டாங்குளம் மதுரா எடப்பாளையம் கிராமத்தில் சென்னை அசோக் நகர் பகுதியை சேர்ந்த ஹரிபாபு என்பவர் கல்குவாரி நடத்தி வருகிறார். வெள்ளிக்கிழமை பாறைகளுக்கு வெடி வைத்த போது கற்கள் சிதறியது. இதில் விவசாயி ஆறுமுகம் என்பவரின் தலையில் கல் விழுந்ததில் அவர் உயிரிழந்தார். ஆத்திரமடைந்த உறவினர்கள் மற்றும் பொதுமக்கள், கல்குவாரி உரிமையாளர் மீது நடவடிக்கை எடுக்க வேண்டும் என்றும், உயிரிழந்த விவசாயிக்கு உரிய நஷ்ட ஈடு வழங்க வேண்டும் என வலியுறுத்தி, வடவவணக்கம்படி காவல் நிலையத்தில் புகார் அளித்தனர். கல்குவாரியை மூட வேண்டும் என்று, முற்றுகையிட்டு வாக்குவாதத்தில் ஈடுபட்டனர். நடவடிக்கை எடுக்கப்படும் என்று போலீசார் உறுதியளித்ததை தொடர்ந்து, கலைந்து சென்றனர்.