45 பயணிகளுடன் வெள்ளத்தில் சிக்கிய பேருந்து... வெளியான திக்.. திக் காட்சி

தெலங்கானா மாநிலம் வெங்கடாபுரம் கிராமத்தில் உள்ள பெரிய ஏரி, கனமழை காரணமாக முழுவதுமாக நிரம்பியதால் உபரிநீர் வெளியேறி வருகிறது. இதனால் ஏரியின் வழியே உள்ள சாலையில் மழைநீர் ஆர்ப்பரித்து ஓடும் நிலையில், 45 பயணிகளுடன் சென்ற அரசுப்பேருந்து வெள்ளத்தில் சிக்கிக் கொண்டது. இதையடுத்து பேருந்தில் இருந்த பயணிகள், தங்களை காப்பாற்றுமாறு அதிகாரிகளுக்கும், உறவினர்களுக்கும் செல்போன் மூலம் வீடியோக்களை பதிவுசெய்து அனுப்பினர். உடனடியாக விரைந்த அதிகாரிகள் பேருந்தில் சிக்கி தவித்த 45 பயணிகளையும், லாரியில் ஏற்றி பத்திரமாக மீட்டனர்.