வயநாட்டை தொடர்ந்து ஆந்திராவில் பகீர்.. கண் முன்னே இழுத்து செல்லும் பயங்கரம்..

ஆந்திரா, தெலங்கானா மாநிலங்களில் உள்ள பல்வேறு மாவட்டங்களில் இரண்டாவது நாளாக கனமழை பெய்து வருகிறது. தெலுங்கானா மாநிலம் கம்மம், சூர்யா பேட்டை மாவட்டங்களில் கனமழை காரணமாக சாலைகளில் வெள்ள நீர் பெருக்கெடுத்து ஓடுகிறது. அதேபோல ஆந்திர மாநிலம் கிருஷ்ணா, குண்டூர் ஆகிய பகுதிகளில், கனமழையால் வீடுகள் இடிந்ததில் 4 பேர் உயிரிழந்துள்ளனர். இடுபாடுகளில் சிக்கி படுகாயம் அடைந்தோர் மருத்துவமனையில் அனுமதிக்கப்பட்டுள்ளனர். மழை வெள்ளத்தில் சிக்கி இழுத்து செல்லப்பட்ட பலர் காணாமல் போனதாகவும் கூறப்படுகிறது. இந்நிலையில் ஆந்திரா, தெலுங்கானா மாநிலங்களில் இன்றும் கன முதல் மிக கனமழை வரை பெய்யக்கூடும் என்று வானிலை ஆய்வு மையம் அறிவித்துள்ளது. இதனால் 2 மாநிலங்களிலும் அதிகாரிகள், மீட்பு குழுவினர் விழிப்புடன் இருக்க வேண்டும் என அறிவுறுத்தப்பட்டுள்ளனர்.