கோயில் உண்டியலை உடைக்க முடியாததால் பெயர்த்து எடுத்து சென்ற திருடர்கள் - வெளியான சிசிடிவி காட்சி

தெலங்கானா மாநிலத்தில், கோயில் உண்டியலை பெயர்த்து இருசக்கர வாகனத்தில் கொள்ளையர்கள் கடத்திய சி.சி.டி.வி. காட்சிகள் வெளியாகியுள்ளன. தெலங்கானா மாநிலம் சங்காரெட்டி மாவட்டம் நந்திகாமா கிராமத்தில் துர்கா தேவி கோவில் உள்ளது. இக்கோயிலில் கொள்ளையடிக்க புகுந்த 4 பேர், உண்டியலை திறக்க முயன்றனர். எனினும் உண்டியலை திறக்க முடியாததால், அதனை பெயர்த்தெடுத்து, மோட்டார் சைக்கிளில் எடுத்துச் சென்றனர். இதுகுறித்த புகாரின்பேரில் சி.சி.டி.வி. காட்சிகளை ஆய்வு செய்த போலீசார், வழக்குப்பதிவு செய்து விசாரணை நடத்தி வருகின்றனர்.