"விண்வெளியின் வல்லரசு.."4 விமானப்படை வீரர்கள் ரெடி - இஸ்ரோவின் அடுத்த சம்பவம்

விண்வெளிக்கு வீரர்களை அனுப்பும் சுகன்யான் திட்டத்தில், நான்கு விமானப்படை வீரர்கள் பங்கேற்பதாக விமானபடை அதிகாரிகள் தெரிவித்துள்ளனர்.

சென்னை அடுத்த தாம்பரத்தில் உள்ள இந்திய விமானப்படை பயிற்சி மையத்தில், இந்திய விமானப்படையில் மேற்கொள்ளப்பட்டு வரும் பணிகள் குறித்து செய்தியாளர்கள் சந்திப்பு நடைபெற்றது. அப்போது, ககன்யான் திட்டத்தில் விண்வெளிக்கு அனுப்ப, 4 விமான படை வீரர்கள் தேர்வு செய்யப்பட்டு, நாசா உள்ளிட்ட மையங்களில் பயிற்சி பெற்று வருவதாக தெரிவிக்கப்பட்டுள்ளது. மேலும், தாம்பரம் விமானப்படை தளத்தில் அக்னி வீர் வாயு திட்டத்தின் கீழ் டிசம்பர் 23ஆம் தேதி முதல் 240 வீராங்கனைகள் உள்பட ஆயிரத்து 500 வீரர்களுக்கு பயிற்சி அளிக்கப்படுவதாகவும், இதன் காரணமாக விமானப்படைத்தளத்தில் உள்ள பயிற்சி மையங்களில் மாற்றம் செய்யப்படவுள்ளதாகவும் தெரிவிக்கப்பட்டுள்ளது.