இளைஞரை உயிரோடு புதைத்த கொடூர கும்பல்... உயிரைக் காப்பாற்றிய தெருநாய்கள்... நடுங்க வைக்கும் பின்னணி

உத்தரப்பிரதேச மாநிலம் ஆக்ராவில் இளைஞர் ஒருவர் நிலத் தகராறில் 4 பேரால் உயிருடன் புதைக்கப்பட்டதாகவும் தொடர்ந்து தெரு நாய்களால் காப்பாற்றப் பட்டதாகவும் கூறப்படும் சம்பவம் அதிர்ச்சி கலந்த ஆச்சரியத்தை ஏற்படுத்தியுள்ளது... ரூப் கிஷோர் என்ற 24 வயது இளைஞரை 4 பேர் சேர்ந்து கடுமையாகத் தாக்கியுள்ளனர். தாக்குதலில் அவர் இறந்து விட்டதாகக் நினைத்து அவர்கள் ரூப் கிஷோரை உயிருடனே புதைத்ததாகத் தெரிகிறது. ஆனால் அவர்கள் சென்ற பிறகு அங்கு கூடிய தெருநாய்கள் மண்ணைப் பறித்துத் தோண்டி எடுத்து கடிக்கத் துவங்கியுள்ளன. இதனால் ரூப் கிஷோருக்கு சுயநினைவு திரும்பி மருத்துவமனையில் அனுமதிக்கப்பட்டார். அவருக்கு சிகிச்சை அளிக்கப்பட்டு வரும் நிலையில் போலீசார் இச்சம்பவம் குறித்து வழக்கு பதிந்து விசாரணை மேற்கொண்டுள்ளனர்.