"இது தான் என் 2வது வீடு..." - சச்சின் நெகிழ்ச்சி

மும்பை வான்கடே கிரிக்கெட் மைதானம் தனது 2வது வீடு என கிரிக்கெட் ஜாம்பவான் சச்சின் டெண்டுல்கர் நெகிழ்ச்சி தெரிவித்துள்ளார். வான்கடே மைதானத்தின் 50வது ஆண்டு விழாவையொட்டி எக்ஸ் தளத்தில் பதிவிட்டுள்ள சச்சின், வான்கடே மைதானத்தில் தான் தனது கிரிக்கெட் பயணம் தொடங்கி நிறைவு பெற்றது என்றும், அந்த மைதானத்தில் தான் உலகக்கோப்பையை வென்றதாகவும் சச்சின் கூறியுள்ளார். தனக்கு வான்கடே வெறும் மைதானம் இல்லை என்றும், தன்னுடைய 2வது வீடு என்றும் சச்சின் குறிப்பிட்டுள்ளார்.