புதுவையில் தியேட்டர் ஊழியர்களை கொடூரமாக தாக்கிய ரவுடிகள் - வெளியான அதிர்ச்சி CCTV காட்சிகள்

புதுச்சேரியில் திரையரங்கு ஊழியர்களை ரவுடிகள் தாக்கி, பொருட்களை சூறையாடிய சம்பவத்தின் வீடியோ வெளியாகியுள்ளது. புதுச்சேரி திருவள்ளூர் சாலையிலுள்ள திரையரங்கில், படம் பார்த்த சிலர் இருக்கையின் மீது ஏறி நடனமாடியுள்ளனர். இதனை ஊழியர்கள் தட்டிகேட்டதால், திரையரங்கை விட்டு சென்று அடியாட்களை அழைத்து வந்த அவர்கள், ஊழியர்களை தாக்கி திரையரங்கில் இருந்த பொருட்களை சேதப்படுத்தியுள்ளனர். இந்த சம்பவம் தொடர்பாக, ரவுடி சதீஷின் கூட்டாளியான விஷ்வாவை கைது செய்துள்ள போலீசார், ரவுடி சதீஷையும் அவரது நண்பர்கள் மூவரையும் தேடி வருகின்றனர். இந்தநிலையில் திரையரங்கு பொருட்கள் சேதப்படுத்தப்படும் சிசிடிவி காட்சி வெளியாகியுள்ளது.