X-தளத்தில் ராகுல் போட்ட பரபரப்பு ட்வீட்

மேற்கு வங்க ரயில் விபத்து குறித்து, எக்ஸ் தளத்தில் அவர் வெளியிட்டுள்ள பதிவில், கஞ்சன்ஜங்கா ரயில் விபத்தில் பலர் உயிரிழந்திருப்பது வருத்தமளிக்கிறது என்று குறிப்பிட்டுள்ளார்.

உயிரிழந்தவர்களை இழந்து வாடும் குடும்பத்தினருக்கு தனது ஆழ்ந்த இரங்கலைத் தெரிவித்துக் கொள்வதாக குறிப்பிட்டுள்ள ராகுல் காந்தி, காயமடைந்தவர்கள் விரைவில் குணமடைய தாம் பிரார்த்திப்பதாகவும் குறிப்பிட்டுள்ளார்.

கடந்த 10 ஆண்டுகளில் ரயில் விபத்துகள் அதிகரித்ததற்கு பிரதமர் மோடி தலைமையிலான அரசின் தவறான நிர்வாகமே நேரடி காரணம் என்றும், இன்றைய விபத்து அதற்கு மற்றொரு உதாரணம் என்றும் கூறியுள்ளார். பொறுப்புள்ள எதிர்க்கட்சி என்ற வகையில், இந்த அலட்சியத்தை தொடர்ந்து கேள்வி எழுப்பி, இந்த விபத்துக்களுக்கு பிரதமர் மோடி தலைமையிலான அரசை பொறுப்பேற்கச் செய்வோம் என்றும் அந்த பதிவில் ராகுல் காந்தி குறிப்பிட்டுள்ளார்.