"எதிரிகளின் ஆன்மா கூட நினைத்து பார்க்கும்" - தீபாவளியில் மோடி பெருமிதம்

"எதிரிகளின் ஆன்மா கூட நினைத்து பார்க்கும்" - தீபாவளியில் மோடி பெருமிதம்

நாட்டின் எல்லையில், ஒரு அங்குலத்தை கூட சமரசம் செய்யாத அரசு தற்போது மத்தியில் உள்ளதாக பிரதமர் மோடி தெரிவித்துள்ளார்.பிரதமர் மோடி, ஆண்டுதோறும் ராணுவ வீரர்களுடன் தீபாவளி கொண்டாடுவதை வழக்கமாக கொண்டிருக்கிறார். அந்த வகையில், இந்த ஆண்டு, குஜராத் மாநிலம், கட்ச் பகுதியில் உள்ள இந்திய-பாகிஸ்தான் எல்லையில் ராணுவ வீரர்களுடன் பிரதமர் மோடி நேற்று தீபாவளியை கொண்டாடினார். ராணுவ உடையில் சென்ற பிரதமர் மோடி, வீரர்களுக்கு தன்னுடைய கையால் இனிப்புகளை ஊட்டினார். இதனைத்தொடர்ந்து பேசிய அவர், பனிப்பாறைகள், பூஜ்யம் டிகிரிக்கும் குறைவான வெப்பநிலை, அதீத வெப்பம் நிறைந்த பாலைவனங்கள் என எண்ணற்ற சவாலான சூழல்களில் அசராத வீரர்களை யாரால் தோற்கடிக்க முடியும் என எதிரிகளின் ஆன்மா கூட நினைத்து பார்க்கும் என்று பெருமிதம் தெரிவித்தார்.