ஓணம் பண்டிகை - ரயில்வே நிர்வாகம் வெளியிட்ட அறிவிப்பு

கேரளாவில் கொண்டாடப்படும் ஓணம் பண்டிகையை ஒட்டி, சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது. ஆகஸ்ட் 24, 31 மற்றும் செப்டம்பர் 7 ஆகிய தேதிகளில் எர்ணாகுளத்தில் இருந்து சென்னை சென்ட்ரலுக்கு சிறப்பு ரயிலும், மறு மார்க்கத்தில், ஆகஸ்ட் 25, செப்டம்பர் 1 மற்றும் 5 ஆகிய தேதிகளிலும் சிறப்பு ரயில் இயக்கப்பட உள்ளது. தாம்பரத்தில் இருந்து கோழிக்கோடு வழியாக மங்களூருக்கு ஆகஸ்ட் 22, 29 மற்றும் செப்டம்பர் 5 ஆகிய தேதிகளிலும், மறு மார்க்கத்தில் ஆகஸ்ட் 23, 30, செப்டம்பர் 6 ஆகிய தேதிகளிலும் சிறப்பு ரயில் இயக்கப்பட உள்ளது. இன்று காலை 8 மணிக்கு டிக்கெட் முன்பதிவு துவங்கும் என தெற்கு ரயில்வே அறிவித்துள்ளது.