பூரி ஜெகன்நாதர் கோயில் ரத யாத்திரையில் பயங்கரம்.. பக்தர்களுக்கு நேர்ந்த சோதனை

ஒடிசாவில் பூரி ஜெகன்நாதர் கோயில் ரத யாத்திரை விழாவில், பல்லக்கு கவிழ்ந்து பாலபத்திர‌ர் சிலை விழுந்த‌தால் 9 பக்தர்கள் படுகாயமடைந்தனர். குண்டிச்சா கோயிலில் உள்ள அடப்பா மண்டபத்தில் இருந்து, பல்லக்கு மூலம் பாலபத்திர‌ர் உட்பட 3 சிலைகள் கொண்டு சென்று பஹந்தி எனப்படும் பூஜைகள் செய்யப்பட்டன. பின்னர், மீண்டும் அடப்பா மண்டபத்திற் கொண்டு செல்லும் போது, பல்லக்கை தூக்கிச் சென்றவர்கள் நெரிசலுடன் படியில் இறங்கும்போது கவிழ்ந்து சிலை விழுந்த‌து. இதில், 9 பேர் படுகாயமடைந்தனர். அவர்கள் உடனடியாக மருத்துவமனைக்கு கொண்டு செல்லப்பட்டு சிகிச்சை அளிக்கப்பட்டது.