ஆட்டோவை திருப்பும்போது முடிந்த வாழ்க்கை... ஓட்டுநர் குடும்பத்தில் நடந்த திடீர் சோகம்...

கோட்டயத்தில் உள்ள தோட்டக்காடு பகுதியைச் சேர்ந்தவர் அஜீஸ் விஜயன். பயணியை இறக்கி விட்டு பாராகுளம் அருகே வந்து கொண்டிருந்துள்ளார். ஆட்டோவை திருப்ப முயற்சிக்கும் போது எதிர்பாராத விதமாக அங்கிருந்த குளத்தில் ஆட்டோ கவிழ்ந்து விழுந்துள்ளது. இதில் ஆட்டோவுடன் ஓட்டுநரான விஜயனும் மூழ்கி பரிதாபமாக உயிரிழந்துள்ளார். விஜயனை காணவில்லை என்று தேடிய குடும்பத்தினர் ஆட்டோ பாரக்குளத்தில் மூழ்கி இருப்பதை கண்டறிந்து தீயணைப்புத் துறையினர் மற்றும் போலீசாருக்கு தகவல் கொடுத்துள்ளனர். இதையடுத்து விரைந்து வந்த தீயணைப்பு துறையினர் கிரேன் உதவியுடன் ஆட்டோவையும் உயிரற்ற நிலையில் விஜயனையும் மீட்டனர். இந்நிலையில் குளத்தின் அருகே தடுப்பு சுவர் இல்லாததே விபத்திற்கு காரணமாக சொல்லப்படுகிறது.