நிலமும் நீர் சேர்ந்து ஆடும் தாண்டவம்.. 5 மாவட்டங்களுக்கு ரெட் அலர்ட்.. வார்னிங் கொடுத்த வானிலை மையம்

கேரளாவில் அடுத்த 24 மணி நேரத்தில், அதிகனமழைக்கான ரெட் அலர்ட் எச்சரிக்கை விடுக்கப்பட்டுள்ளது. மலப்புரம், கோழிக்கோடு, வயநாடு, காசர்கோடு மற்றும் கண்ணூர் உள்ளிட்ட மாவட்டங்களுக்கு ரெட் அலர்ட் விடுக்கப்பட்டுள்ளது. எர்ணாகுளம், இடுக்கி, திருச்சூர் மற்றும் பாலக்காடு மாவட்டங்களில் ஆரஞ்சு அலர்ட் எச்சரிக்கை விடுக்கப்பட்டுள்ளது. கேரளாவில் அடுத்த 24 மணி நேரத்திற்கு கனமழை பெய்யும் என வானிலை ஆய்வு மையம் தெரிவித்துள்ளது. வயநாட்டில் மட்டுமின்றி, கோழிக்கோடு, விளாங்கோடு பகுதியிலும் நிலச்சரிவு ஏற்பட்டதாக தகவல் வெளியான நிலையில், அடுத்த 24 மணி நேரத்தில், வடக்கு கேரளா, கடலோர கர்நாடகாவின் ஒரு சில பகுதிகளில் வெள்ளம் மற்றும் நிலச்சரிவு ஏற்பட வாய்ப்புள்ளதாக கூறப்பட்டுள்ளது.