கோவையை கதிகலங்கவிட்ட அபய குரல் - குலைநடுக்க சம்பவ பின்னணியில் கேரளட்டீஸ்

கோவையில் காரில் வந்த நபரிடம் கொள்ளையடிக்க முயன்ற வழக்கில், 4 பேரை கைது செய்துள்ள போலீசார், தலைமறைவாக உள்ள 2 பேரை தேடி வருகின்றனர்.

கேரள மாநிலம் எர்ணாகுளத்தை சேர்ந்த அஸ்லாம் சித்திக் என்பவர், கடந்த 14ஆம் தேதி கோவை மதுக்கரை வந்த போது, முகமூடி அணிந்த ஒரு கும்பல் கொள்ளையடிக்க முயன்றது. இது தொடர்பாக விசாரணை நடத்தி வந்த காவல்துறையினர், பாலக்காடு மாவட்டத்தை சேர்ந்த் சிவதாஸ், ரமேஷ்பாபு, விஷ்ணு மற்றும் அஜய் குமார் ஆகிய 4 பேரை கைது செய்து, கார் ஒன்றையும் பறிமுதல் செய்தனர். அவர்களிடம் நடத்தப்பட்ட விசாரணையில், 4 பேரும் முதல்முறை குற்றவாளிகள் என்பது தெரிய வந்த‌து. சொந்த பதிவெண் கொண்ட கார்களை, ஹவாலா பணம் கொண்டு செல்ல பயன்படுத்துவார்கள் என்பதால், அஸ்லாமை பின்தொடர்ந்து கொள்ளையடிக்க முயன்றதும் அம்பலமானது. இதையடுத்து, தலைமறைவாக உள்ள மேலும் 2 பேரை பிடிக்க, 3 தனிப்படைகள் அமைத்து பாலக்காடு, திருச்சூர், கொச்சி உள்ளிட்ட பகுதிகளில் தேடி வருகின்றனர்.