கேரளாவை நடுங்க வைத்த எலிகாய்ச்சல்.. அதிர விடும் பலி எண்ணிக்கை.. மக்களே உஷார்

கேரளாவில் எலிக்காய்ச்சல் பாதிப்பால், நடப்பு ஆண்டில் இதுவரை 121 பேர் உயிரிழந்துள்ளதாக தெரிவிக்கப்பட்டுள்ளது.

கேரள மாநிலத்தில் தற்போது எலிக்காய்ச்சல் பாதிப்பு அதிகரித்து வருகிறது. இந்நிலையில், எலிக்காய்ச்சலால் இதுவரை ஆயிரத்து 916 பேருக்கு எலிக்காய்ச்சல் பாதிப்பு உறுதிபடுத்தப்பட்டதையடுத்து, மேலும் ஆயிரத்து 565 பேருக்கு காய்ச்சல் இருக்கலாம் என அஞ்சப்படுகிறது. நடப்பாண்டு ஆகஸ்டு 21-ம் தேதி வரையில், எலிக்காய்ச்சல் பாதிப்புக்கு 121 பேர் உயிரிழந்த நிலையில், மேலும் 102 பேர் காய்ச்சலுக்கு பலியாகியிருக்கலாம் என சந்தேகிக்கப்படுகிறது. கடந்த 2021-ல் 121 பேர் எலிக்காய்ச்சலால் பலியான நிலையில், தற்போது மீண்டும் உயிரிழப்பு அதிகரித்துள்ளது. இதனையடுத்து, தடுப்பு மற்றும் முன்னெச்சரிக்கை நடவடிக்கைகளை தீவிரப்படுத்த அரசு உத்தரவிட்டுள்ளது.