எமனை கண்முன் பார்த்த இளைஞர் - நொடியில் தப்பிய உயிர்.. வெளியான அதிர்ச்சி சிசிடிவி காட்சி

கேரள மாநிலம் கோழிக்கோட்டில், சாலையில் இருசக்கர வாகனத்துடன் விழுந்த இளைஞர், பேருந்தின் சக்கரத்தில் சிக்காமல் நூலிழையில் உயிர் தப்பிய காட்சி இணையத்தில் வைரலாகி வருகிறது. புல்பரம் - நாயர்குழி சாலையில் மழைநீர் தேங்கி இருந்த நிலையில், அவ்வழியாக இருசக்கர வாகனத்தில் சென்ற இளைஞர் திடீரென நிலை தடுமாறி கீழே விழுந்தார். அப்போது அவ்வழியாக வந்த பேருந்து, இளைஞர் மீது ஏற இருந்த நிலையில், ஓட்டுநர் சுதாரித்து பேருந்தை இடதுபுறம் திருப்பினார். இதனால், பேருந்தின் சக்கரத்தில் நசுங்கி பலியாகமால் நூலிழையில் இளைஞர் உயிர் தப்பினார்.