நடுவானில் உயிரை நடுங்கவிட்ட செய்தி... ஏர் இந்தியா விமானத்தில் பரபரப்பு

ஏர் இந்தியா விமானத்திற்கு வெடிகுண்டு மிரட்டல் விடுக்கப்பட்டதால், திருவனந்தபுரத்தில் விமானம் அவசரமாக தரையிறக்கப்பட்டது. மும்பையில் இருந்து திருவனந்தபுரத்திற்கு, இன்று காலை புறப்பட்ட ஏர் இந்தியா விமானத்திற்கு வெடிகுண்டு மிரட்டல் வந்ததால், அதுகுறித்து கட்டுப்பாட்டு அறைக்கு விமானி தகவல் கொடுத்தார். இதன்பேரில், திருவனந்தபுரத்தில் முன்கூட்டியே விமானம் அவசரமாக தரையிறக்கப்பட்டு, அவசர நிலை பிறப்பிக்கப்பட்டது. இதையடுத்து, பயணிகள் பாதுகாப்பாக வெளியேற்றப்பட்டதாகவும், விமான சேவை வழக்கம்போல் நடைபெறுவதாகவும், விமான நிலைய அதிகாரிகள் தெரிவித்தனர்.