ககன்யான் - 5ம் கட்ட என்ஜின் சோதனை - வெளியான ஹாப்பி நியூஸ் | Isro

நெல்லை மாவட்டம் பணகுடி அருகேயுள்ள மகேந்திரகிரியில் செயல்பட்டு வரும், இஸ்ரோ மையத்திலிருந்து விண்கலம் செலுத்துவதற்கான பரிசோதனை மேற்கொள்ளப்பட்டு வருகிறது. விண்வெளிக்கு மனிதர்களை அனுப்பும் ககன்யான் திட்டத்தின் SMSDM என்ற modelling இஞ்சின் சோதனை பல்வேறு கட்டங்களாக நடந்து வருகிறது. அதன்படி 5வது கட்டமாக 1700 வினாடிகள் சோதனை நடத்த இஸ்ரோ திட்டமிட்டது. அதற்கான கவுண்டவுன் ஆரம்பிக்கப்பட்டு சோதனை நிர்ணயிக்கப்பட்ட இலக்கை வெற்றிகரமாக அடைந்தது. இதனை மகேந்திரகிரி இஸ்ரோ மைய இயக்குனர் ஆசீர் பாக்யராஜ் நேரில் பார்வையிட்டார். மேலும் திருவனந்தபுரம் திட்ட மைய இயக்குனர் நாராயணன், ககன்யான் திட்ட இயக்குனர் மோகன் ஆகியோர் காணொளி காட்சி மூலமாக கண்டனர். சோதனை வெற்றிகரமாக நடந்ததால் இஸ்ரோ மகிழ்ச்சி தெரிவித்துள்ளது.