இமாச்சலை புரட்டிப் போட்ட மேகவெடிப்பு.. அப்படியே சரிந்து விழுந்த கட்டடம்.. காணாமல் போன 50 பேர்..

சிம்லாவில் உள்ள ராம்பூர், மண்டி, குலு மாவட்டத்தின் மலானா ஆகிய பகுதிகள் மேகவெடிப்பால் கடும் சேதத்தை சந்தித்துள்ளது. சிம்லா மாவட்டம் ராம்பூர் பகுதியில் 50-க்கும் மேற்பட்டோர் மாயமான நிலையில், இருவர் சடலமாக மீட்கப்பட்டுள்ளனர். பாலங்கள் வெள்ளத்தில் அடித்துச்செல்லப்பட்டதால், பல்வேறு பகுதிகளுக்கு போக்குவரத்து துண்டிக்கப்பட்டுள்ளது. பெரும்பாலான சாலைகள் மூடப்பட்டுள்ளன. குடியிருப்புகள், பள்ளிகள், மருத்துவமனைகள் சேதமடைந்துள்ளன. 15 வாகனங்கள் வெள்ளத்தில் இழுத்துச்செல்லப்பட்டன. குலு மாவட்டத்தில் உள்ள மணிகர்னா பள்ளத்தாக்கில் காய்கறி சந்தை கட்டடம் இடிந்து விழும் பரபரப்பான காட்சிவெளியாகி உள்ளது.