ஜி 20 மாநாட்டு.. டெல்லி செல்லும் முதலமைச்சர் ஸ்டாலின் | G20 Summit

ஜி-20 மாநாடு டெல்லியில் வரும் 9,10-ம் தேதிகளில் நடைபெறுகிறது. இதில், அமெரிக்கா உள்ளிட்ட பல்வேறு நாடுகளின் தலைவர்கள் பங்கேற்கின்றனர். ஜி-20 மாநாட்டில் பங்கேற்கும் உலக நாடுகளின் தலைவர்கள் உள்ளிட்ட விருந்தினர்களுக்கு, குடியரசுத் தலைவர் திரெளபதி முர்மு, வரும் 9ம் தேதி, இரவு விருந்து அளிக்கிறார். இந்நிலையில், முதலமைச்சர் மு.க. ஸ்டாலின், வரும் 9ம் தேதி டெல்லி செல்கிறார்.

ஜி-20 மாநாட்டை முன்னிட்டு குடியரசுத் தலைவர் அளிக்கும் விருந்து நிகழ்ச்சியில் கலந்துகொள்கிறார். சென்னை விமான நிலையத்தில் இருந்து, 9-ம் தேதி, காலை 10.05 மணிக்கு, ஏர் இந்தியா விமானம் மூலம் டெல்லிக்கு புறப்பட்டுச் செல்கிறார். அதைத்தொடர்ந்து 10-ம் தேதி, ஏர் இந்தியா விமானம் மூலம் டெல்லியில் இருந்து புறப்பட்டு, மதியம் 12.30 மணிக்கு சென்னை வந்தடைகிறார்.