எமனான கார் டயர்... உயிரோடு கருகிய 8 பேர்...அதிர்ந்த தேசிய நெடுஞ்சாலை - பதற வைக்கும் காட்சி

உத்தரப்பிரதேச மாநிலம் போஜிபுரா காவல்நிலையத்திற்கு உட்பட்ட பரேலி - நைனிடால் தேசிய நெடுஞ்சாலையில் கார் சென்று கொண்டிருந்தது. அப்போது காரின் டயர் திடீரென வெடித்து, முதலில் சாலைத்தடுப்பிலும், மறுபுறம் சென்று, கனரக வாகனம் மீதும் மோதி தீப்பிடித்ததாக கூறப்படுகிறது. கார் கதவுகளை திறக்க முடியாமல் போனதால், காரில் இருந்த குழந்தை உட்பட 8 பேர் உடல்கருகி உயிரிழந்தனர். டிரக்கில் இருந்த இருவர் காயமடைந்தனர். சத்தம் கேட்டு அங்கு வந்த பொதுமக்கள், தீயணைப்புத்துறையினர் மற்றும் போலீசாருக்கு தகவல் தெரிவித்தனர். இரண்டு வாகனங்களிலும் பற்றிய தீயை தீயணைப்புத் துறையினர் அணைத்தனர். உடல்களை போலீசார் மீட்டு பிரேதப் பரிசோதனைக்காக அனுப்பிவைத்தனர்.