20 நிமிடங்கள் டெல்லி ஏர்போர்ட்டில் நடந்த சம்பவம் | Delhi | Power Cut

20 நிமிடங்கள் டெல்லி ஏர்போர்ட்டில் நடந்த சம்பவம்

டெல்லி விமான நிலையத்தில் ஏற்பட்ட திடீர் மின்தடையால் விமான நிலைய செயல்பாடுகள் பாதிக்கப்பட்டன. டெல்லி இந்திரா காந்தி சர்வதேச விமான நிலையத்தில் 3வது முனையத்தில் திடீர் மின்தடை ஏற்பட்டது. முகப்புகள், டிஜியாத்ரா செயல்படாததால் 3வது முனையம் முழுமையாக முடங்கியது. 20 நிமிடங்கள் விமான போக்குவரத்தும், பல விமான நிறுவனங்களின் போர்டிங் மற்றும் செக்-இன் வசதிகளும் பாதிக்கப்பட்டன. மின் தடையால் பாதுகாப்பு சோதனை, குடிவரவு பணியக அமைப்புகள், ஏரோ-பிரிட்ஜின் செயல்பாடுகளும் நிறுத்தப்பட்டன. இதனால் அங்கு குழப்பம் ஏற்பட்ட நிலையில், சில நிமிடங்களுக்கு மின்தடை நீடித்ததாகவும், அதன்பிறகு மின்விநியோகம் இயல்பானதாகவும் விமான நிலையம் தரப்பில் தெரிவிக்கப்பட்டுள்ளது.