பயம் காட்டிய டெல்லி - உடனே இருப்பிடத்தை மாற்றிய சோனியா காந்தி

காற்று மாசால் பயம் காட்டிய டெல்லி - உடனே இருப்பிடத்தை மாற்றிய சோனியா காந்தி

டெல்லியில் ஏற்பட்டுள்ள காற்று மாசுபாடு காரணமாக, காங்கிரஸ் மூத்த தலைவர் சோனியா காந்தி நேற்று இரவு ஜெய்ப்பூர் சென்றார்.(செவ்வாய்க்கிழமை).சோனியா காந்தி கடந்த செப்டம்பர் மாதம், சுவாசக்கோளாறு காரணமாக மருத்துவமனையில் அனுமதிக்கப்பட்டு, பின்னர் டிஸ்சார்ஜ் ஆனார். தற்போது, தீபாவளியை அடுத்து டெல்லியில் காற்று மாசுபாடு அதிகரித்துள்ளது. இந்நிலையில், சோனியா காந்தியின் இருப்பிடத்தை மாற்ற மருத்துவர்கள், பரிந்துரைத்துள்ளனர். இதன் காரணமாக, சோனியா காந்தி தனது இருப்பிடத்தை தற்காலிகமாக ராஜஸ்தான் மாநிலம் ஜெய்ப்பூருக்கு மாற்றியுள்ளார். ஜெய்ப்பூருக்கு, தனது தாயாருடன் சென்றுள்ள ராகுல் காந்தி, அங்கிருந்து சத்தீஸ்கர் மாநில தேர்தல் பிரச்சாரத்திற்கு செல்லவுள்ளார். கடந்த 2020ம் ஆண்டும் காற்று மாசுபாடு காரணமாக இதே போன்று, சோனியா காந்தி தனது இருப்பிடத்தை தற்காலிகமாக மாற்றியிருந்தார். அப்போது கோவாவிற்கு மாற்றியிருந்தார் என்பது குறிப்பிடத்தக்கது.