தீவிரமடையும் போராட்டம்.. இன்று நாடு முழுவதும்.. விவசாயிகள் எடுத்த முடிவு

இன்று நாடு முழுவதும் ரயில் மறியல் போராட்டம் நடைபெறுமென விவசாயிகள் அமைப்பினர் தெரிவித்துள்ளனர்...

வேளாண் விளைபொருள்களுக்கான குறைந்தபட்ச ஆதரவு விலைக்கு சட்டம் அமைக்க வேண்டுமென்பது உள்ளிட்ட கோரிக்கைகளை வலியுறுத்தி, அரியானா மாநில எல்லையில் விவசாயிகள் போராட்டத்தில் ஈடுபட்டு வருகின்றனர். இப்போராட்டத்தை அடுத்தகட்டத்திற்கு கொண்டு செல்லும் வகையில் இன்று பகல் 12 மணி முதல் 4 மணி வரை ரயில் மறியல் போராட்டம் நடத்துவதற்கான ஏற்பாடுகளை விவசாயிகள் மேற்கொண்டு வருகின்றனர். குறிப்பாக பஞ்சாப்பில் அனைத்து மாவட்டங்களிலும் விவசாயிகள் ரயில் மறியல் போராட்டத்தில் ஈடுபடுவார்கள் என கிஷான் மஸ்தூர் மோர்ச்சா அமைப்பு தெரிவித்துள்ளது.