2 வயது குழந்தையை கடித்து குதறிய நாய்.. சிசிடிவி காட்சிகள் வெளியாகி பரபரப்பு

டெல்லியில் 2 வயது குழந்தையை நாய் ஒன்று கடித்து குதறிய சம்பவத்தின் சிசிடிவி காட்சிகள் வெளியாகியுள்ளது....

வடகிழக்கு டெல்லியின் விஸ்வாஸ் நகரில் பெண் ஒருவர் தனது 2 வயது குழந்தையுடன் நடந்து சென்றுக் கொண்டிருந்தார். அப்போது, அங்கிருந்த "ஜெர்மன் ஷெப்பர்ட்" வகையை சேர்ந்த நாய், அந்த குழந்தையை கடித்து குதறியது. உடனே அருகில் இருந்தவர்கள் அந்த பெண்ணையும், குழந்தையையும் நாயிடமிருந்து காப்பாற்றினர். இது தொடர்பான சிசிடிவி காட்சிகள் வெளியாகி பரபரப்பை ஏற்படுத்திய நிலையில், பாதிக்கப்பட்ட பெண் அளித்த புகாரின் பேரில், அந்த நாயின் உரிமையாளர் மீது வழக்கு பதிவு செய்யப்பட்டுள்ளதாக காவல்துறை தரப்பில் தெரிவிக்கப்பட்டுள்ளது....