நிஜமாகவே சுட்ட `தீபாவளி' துப்பாக்கி - சிறுவன் உட்பட இருவர் கொடூர சாவு.. தலைநகரை நடுங்கவிட்ட சம்பவம்

நிஜமாகவே சுட்ட `தீபாவளி' துப்பாக்கி - சிறுவன் உட்பட இருவர் கொடூர சாவு.. தலைநகரை நடுங்கவிட்ட சம்பவம்

தீபாவளி நாளன்று டெல்லி ஷாஹ்தாராவில் பட்டாசு சத்தத்திற்கு நடுவே நடந்த துப்பாக்கிச் சூடு சம்பவமும், 2 பேரின் உயிர் பறி போன சம்பவமும் அதிர்ச்சி தந்திருக்கிறது..

வீட்டு வாசலில் சுமார் 8.30 மணியளவில் தீபாவளி கொண்டாட்டத்தில் ஈடுபட்டிருந்த ஆகாஷ் குடும்பத்தினரை நோக்கி மர்ம நபர்கள் இந்த துப்பாக்கிச்சூட்டை நிகழ்த்தி இருக்கின்றனர்.

தொடர்ந்து தகவல் அறிந்து அங்கு வந்த போலீசார், சிறுவன் உள்பட காயமடைந்த 3 பேரை மீட்டு மருத்துவமனைக்கு அனுப்பினர்..

இதில், 40 வயதான ஆகாஷ், 16 வயதான ரிஷப் ஷர்மா ஆகியோர் சிகிச்சை பலனின்றி பரிதாபமாக உயிரிழந்தனர். மேலும், 10 வயதுடைய ஆகாஷின் மகன் தீவிர சிகிச்சை பெற்று வருகிறார்.

இந்த சம்பவம் தொடர்பாக வழக்குப்பதிவு செய்த போலீசார் கொலையாளியை வலைவீசித் தேடி வருகின்றனர்.

இதில், சம்பவத்தன்று அங்கு வந்த ஒரு அடையாளம் தெரியாத இளைஞர் ஆகாஷின் காலை தொட்டு வணங்கிவிட்டு, பின்னர் தான் மறைத்து வைத்திருந்த துப்பாக்கியை எடுத்து சரமாரியாக சுட்டதாக இதனை நேரில் பார்த்த ஆகாஷின் குடும்பத்தார் போலீசில் கூறியுள்ளனர். இது போலீசாருக்கும் அதிர்ச்சியை அளித்து இருக்கிறது.

இந்த இரட்டைக் கொலை சம்பவம் தனிப்பட்ட பகை காரணமாக நடந்ததா? அல்லது வேறு ஏதும் காரணங்கள் உள்ளதா? என்பன உள்ளிட்ட கோணங்களில் போலீசார் விசாரணையை முடுக்கி விட்டுள்ளனர்..