மழைக்கு ஒழுகும் புதிய நாடாளுமன்றம்.. வாளியை வைத்து பிடிக்கும் அதிகாரி.. வெளியான பகீர் வீடியோ

டெல்லி மற்றும் அதன் சுற்றுவட்டார பகுதிகளில் நேற்று இரவு பெய்த கனமழை காரணமாக, பல்வேறு சாலைகளில் வெள்ள நீர் பெருக்கெடுத்து ஓடியது. இந்நிலையில் கனமழைக்கு நாடாளுமன்றமும் தப்பவில்லை. புதிய நாடாளுமன்றத்தின் லாபி பகுதியில் கனமடையின் காரணமாக மேலே இருந்து மழை நீர் ஒழுகியது. கசிந்த மழை நீரை நாடாளுமன்ற ஊழியர்கள் ஒரு சிறிய வாளியை வைத்து பிடித்தனர். கடந்த ஆண்டு புதிய நாடாளுமன்றம் கட்டப்பட்டு திறக்கப்பட்ட நிலையில், தற்போது அந்த வளாகத்திற்கு உள்ளே மழை நீர் கசிவு ஏற்பட்டுள்ளது சர்ச்சையை ஏற்படுத்தியுள்ளது.