போலீசாருடன் பாக்ஸிங் செய்த போதை ஆசாமி.. ஸ்பெஷல் கவனிப்பு கொடுத்த போலீஸ் - ஆந்திராவில் பரபரப்பு

ஆந்திர மாநிலம் விசாகப்பட்டினத்தில், மதுபோதையில் ஒருவர் காவலரை விரட்டி விரட்டி மிரட்டிய சம்பவம் பரபரப்பை ஏற்படுத்தியது. விசாகப்பட்டினம் ஆதர்ஷ் நகரை சேர்ந்த மகாலட்சுமி என்பவர், தனது கணவர் வினய்குமார், மதுபோதையில் தன்னை தாக்குவதாக போலீசுக்கு புகார் தெரிவித்தார். இதன்பேரில், விசாரணை நடத்த அங்கு சென்ற போலீசாரை, வினய்குமார் தகாத வார்த்தைகளால் திட்டி தாக்க முயன்றார். காவலர் ஒருவருடன் வாக்குவாதத்தில் ஈடுபட்டு, அவரை விரட்டி முகத்தில் தாக்கியதில், காயம் ஏற்பட்டது. இதையடுத்து வினய்குமாரை போலீசார் கைது செய்தனர்.