லாரியில் பெட்ரோல் இறக்கும் போது பற்றிய திடீர் தீ... அடுத்த நொடி கண்முன் அரங்கேறிய அதிர்ச்சி

ஜம்மு காஷ்மீர் மாநிலம் சம்பா மாவட்டத்தில் பெட்ரோல் நிலையத்தில் ஏற்பட்ட பயங்கர தீ விபத்தால் பரபரப்பு ஏற்பட்டது. ராஜ்புராவில் இயங்கி வரும் பெட்ரோல் நிலையத்தில், டேங்கர் லாரிகளில் இருந்து பெட்ரோல் இறக்கிக் கொண்டிருந்த போது தீ பற்றியது. ஊழியர்கள் தீயை அணைக்க முயற்சித்தும் பயனளிக்கவில்லை. அதே நேரத்தில், தீ வெகமாக பற்றி எரிந்து வானுயர தீப்பிளம்பு எழுந்த‌து. தகவலறிந்து 4 வாகனங்களில் சென்ற தீயணைப்புத்துறையினர், ரசாயணங்களை பீய்ச்சி அடித்து, போராடி தீயை அணைத்தனர். பெட்ரோல் நிலையத்திற்கு தீ பரவாத‌தால், பெரும் அசம்பாவிதம் தவிர்க்கப்பட்டது. யாருக்கும் காயம் ஏற்படாத நிலையில், 2 டேங்கர் லாரிகள் முற்றிலும் எரிந்தன.