40 மாடிகள் அடுக்குமாடி கட்டடத்தில் லிஃப்ட் கயிறு அறுந்து 7 பேர் பலி...மகாராஷ்டிராவில் பயங்கரம்

மகாராஷ்டிரா மாநிலம் தானேவில் , 40 மாடிகள் கொண்ட அடுக்குமாடி கட்டடத்தில், தொழிலாளர்கள் சிலர் வாட்டர் புரூப்பிங் வேலை செய்து கொண்டிருந்துள்ளனர். பணி முடிந்து ஊழியர்கள் லிஃப்டில் வந்து கொண்டிருந்த போது, திடீரென லிஃப்டின் கயிறு அறுந்து விழுந்ததாக கூறப்படுகிறது. பலத்த சத்தத்துடன் லிஃப்ட் கீழே விழுந்ததில், 7 பேர் சம்பவ இடத்திலே உயிரிழந்ததும், 2 பேர் படுகாயமடைந்ததும் பெரும் அதிர்ச்சியை ஏற்படுத்தியது. சம்பவ இடத்தில் பேரிடர் மீட்பு குழுவினர் மீட்பு பணியில் ஈடுபட்ட நிலையில், விபத்து குறித்து போலீசார் விசாரணை நடத்தி வருகின்றனர்.